BRYTHUS Julius Dardanius (alii Brutum vocant) Aeneae Troji magni Latinorum Regis

BRYTHUS Julius Dardanius (alii Brutum vocant) Aeneae Troji magni Latinorum Regis

ex Iulio Sylvio, Ascavii Regis filio, et Laviniae nepte pronepos, utrumque parentem (quod Mathematici praesagierant) matrem in partu, ac in venatione patrem, invitus interemit. Ob id Italiâ per avum Ascanium pulsus, in Leograeciam insulam sociis quibusdam comitatus annô aetatis 16. abiit, ubi inter lacrimosa ex tam infaustis successibus suspitia, oraculum tandem a Diana Cynthia accipit, quod esset nobilissimam extremi Occidui possessurus insulam. His Brytus laetior factus cum 304. Troianorum navibus fortissimoque duce Coryneo, Albionem post novem annorum in terra marique labores feliciter intravit. Adeptus totius insulae regimen, obliteratô Albionis vocabulô, Brytanniae nomen imposuit annô a Mundi origine 2828. et ante Servatorem natum 1142. Obiit completô 24. sui regiminis annô, aetatis vero 53. scilicet annô formati Adami 2851. et ante incarnatum Messiam 1118. Trenovanti, urbe a se conditâ, sepultus. Vide Brutus.